„ერთიანი ნაციონალური მოძრაობის“ საკანონდმებლო ინიციატივა, რომელიც პარტიამ ფარული მიყურადებისა და ვიდეო თვალთვალის პრაქტიკის აღსაკვეთად შეიმუშავა, პარტიის წარმომადგენლების თქმით, 2016 წლის არჩევნების შემდეგ მყისიერად იქნება მიღებული.
„ჩვენი საზოგოადების პირველი ამოცანაა, რომ ის კაცი და გუნდი უნდა ჩამოვაშოროთ ხელისუფლებას, რომელიც ამ სიბინძურითაა დაკავებული, ვგულისხმობ ივანიშვილს, რომელიც საჯაროდ საუბრობდა ამ თემაზე. ჩვენ შეგვაქვს ეს პაკეტი, თუმცა შანსები რომ უმრავლესობამ მხარი დაუჭიროს მცირეა, თუმცა ოქტომბერში, ივანიშვილის ხელისუფლებიდან ჩამოცილების შემდეგ აუციელბელია ქვეყნისთვის სრულფასოვანი რეფორმის ჩატარება. სწორედ ამას ემსახურება ეს ინიცატივა. „ - განაცხადა გიგა ბოკერიამ.
„ინიციატივა, რომელიც დღეს ჩვენ გავაჟღერეთ, მნიშვნელოვანია, ესაა თავისუფლების აქტი, რომელიც სუსის გაუქმებას ითვალისწინებს, ასევე პოლიტიკური პოლიციის ფუნქციების გაუქმებას. ამავდროულად მოქალაქეებისთვის უნდა შეიქმნას პირადი ცხოვრების ხეშეუხებლობის გარანტიები. „ - განაცხადა ლევან ბეჟაშვილმა.
