პირველმა რუსულმა თვითმფრინავებმა სირიის ტერიტორიაზე საკუთრი დისლოკაციის ადგილი უკვე დატოვეს და სამშობლოში დაბრუნდნენ. ამის შესახებ ,,ბიბისი“ რუსეთის ტავდაცვის სამინისტროს პრესსამსახურზე დაყრდნობით წერს.
თვითმფრინავების პირველ ჯგუფში შედიან მრავალფუნქციური ბომბდამშენები სუ-24-ები და სამხედრო-სატრანსპორტო ავიაციის თვითმფრინავი ტუ-143 ან ილ-76, რომელსაც გადაყავს პერსონალი, ასევე მატერიალურ-ტექნიკური აღჭურვილობა გადააქვს.
რუსეთის საზღვრის გადაკვეთის შემდეგ თვითმფრინავები აეროდრომებზე განთავსდებიან.
რუსეთის პრეზიდენტმა სირიიდან რუსული სამხედრო ძალების გაყვანის ბრძანება გუშინ, ყველასათვის მოულოდნელად გასცა. მისი თქმით, ეს გადაწყვეტილება სირიის პრეზიდენტთან შეთანხმდა.
