მოსკოვმა სირიიდან ძირითადი სამხედრო ძალების გაყვანა დაიწყო. ,,ბიბისი“ რუსეთის პრეზიდენტის პრესმდივანზე დაყრდნობით წერს, რომ პუტინმა ეს მოულოდნელი გადაწყვეტილება სირიის პრეზიდენტთან შეათანხმა.
"მიმაჩნია, რომ თავდაცვის სამინისტროს წინაშე დასახული ამოცანები მთლიანად შესრულებულია. ამიტომ, ვბრძანებ, დაიწყოთ ჩვენი ძირითადი სამხედრო ძალების სირიის არაბული რესპუბლიკიდან გაყვანა", - რუსული მედიის ცნობით, ამის შესახებ ვლადიმერ პუტინმა რუსეთის თავდაცვის მინისტრ სერგეი შოიგუსთან და საგარეო საქმეთა მინისტრ სერგეი ლავროვთან შეხვედრის დროს განაცხადა. პრეზიდენტმა საგარეო საქმეთა მინისტრს სირიაში სამშვიდობო პროცესის ორგანიზებაში ინტენსიური მონაწილეობაც დაავალა.
პუტინი იმედოვნებს, რომ რუსეთის ჯარების სირიიდან გაყვანის დასაწყისი დადებითად აისახება ამ ქვეყნის პოლიტიკურ ძალებს შორის მოლაპარაკებათა პროცესზე.
