ანკარაში ტერაქტი სტუდენტმა ქალმა და მამაკაცმა განახორციელეს, - ამის შესახებ ადგილობრივი მედია წერს. მათი ინფორმაციით ტერორისტი თვითმკველების ვინაობას სამართალდამცველები ამ დრომდე ადგენენ.
გავრცელებული ინფორმაციით, ტერორისტი ქალი თურქეთის დასავლეთით, ქალაქ ბალიკესირის უნივერსიტეტში სწავლობდა, 2013 წლიდან კი ის ქურთისტანის მშრომელთა პარტიას შეუერთდა, რომელიც თურქეთში ტერორისტულ ორგანიზაციად ითვლება.
აფეთქება ანკარას ცენტრში გუშინ საღამოს მოხდა. ტერაქტის შედეგად გარდაცვლილთა რიცხვი 37-მდე გაიზარდა. 70-ზე მეტი ადამიანი საავადმყოფოში მკურნალობას განაგრძობს, მათ შორის, 15-ის მდგომარეობა მძიმეა.
