ირანი ნავთობის მოპოვების მოცულობას ორ მილიონ ბარელამდე ზრდის. ,,ბიბისის“ ინფორმაციით, ამის შესახებ ირანის ნავთობის მინისტრმა ბიჟან ზანგანემ განაცხადა.
როგორც ზანგანემ აღნიშნა, ირანი შავი ოქრის მოპოვების მოცულობის გაყინვაზე მხოლოდ მას შემდეგ იმსჯელებს, რაც დღეში 4 მილიონი ბარელის ნიშნულს მიაღწევს.
ირანი ცდილობს მკვეთრად გაზარდოს ნავთობის მოპოვება დაწესებული სანქციების მოხსნის შემდეგ.
ადგილობრივი მედიის ცნობით, ორშაბათს თეირანში რუსეთის ენერგეტიკის მინისტრი ალექსანდრ ნოვაკი ჩადის და ირანულ მხარესთან ნავთობის საკითხზე იმსჯელებს.
ინფორმირებულ წყაროზე დაყრდნობით, ,,როიტერი“ წერს, რომ 20 მარტისთვის მოსკოვში დაგეგმილი შეხვედრა სავარაუდოდ არ შედგება, რადგან ირანი არ გამოთქვამს მზადყოფნას რუსეთის წინადადებაზე, გაყინოს ნავთობის მოპოვება.
