უკრაინული პრესის ცნობით, ვლადიმერ პუტინი ანგელა მერკელს განაჩენის გამოტანის შემდეგ ნადია სავჩენკოს გათავისუფლებას დაჰპირდა.
სააგენტოები წერენ, რომ უკრაინელი მფრინავის სამშობლოში დაბრუნება შეწყალებისა და ტყვეების გაცვლის გზით მოხდება.
გავრცელებული ცნობით, სავჩენკოს შესაძლო გათავისუფლებას ვლადიმერ პუტინი განიხილავს, როგორც კომპრომისისთვის კრემლის მზადყოფნის საჯარო დემონსტრაციას.
პარალელურად, უკრაინელი მფრინავი აცხადებს, რომ შიმშილობის შეწყვეტას არ აპირებს. მას განაჩენს 21 მარტს გამოუტანენ. მანამდე სავჩენკოს შესაძლო გათავისუფლებაზე მოლაპარაკებებს სერგეი ლავროვის უწყება გამორიცხავს.
,,ახლა ამაზე საუბარი არ არის და არც იქნება, სანამ სასამართლო განაჩენს არ გამოაცხადებს“ - განაცხადა რუსეთის საგარეო უწყების ოფიციალურმა წარმომადგენელმა, მარია ზახაროვამ.
