"ეს იყო ტერორისტული აქტი," - ასე შეაფასა თავისუფალი დემოკრატების წევრმა ნინო გოგუაძემ ფარული ჩანაწერების გავრცელების ფაქტი. ამის შესახებ დეპუტატმა განცხადება კურიერის პირდაპირ ეთერში გააკეთა.
„ძალიან მძიმე ფაქტია, ეს იყო ტერორისტული აქტი, რომელიც მიმართული იყო ერთი ადამიანის განადგურებისკენ, მისი სოციალური და არა მარტო სოციალური მკვლელობისკენ. ეს იყო უმძიმესი დანაშაული. მთელი საზოგადოების მორალურ ტერორის ყოფნის აქტია,“ - განაცხადა ნინო გოგუაძემ.
თავისუფალი დემოკრატების წევრი ამტკიცებს, რომ ადამიანების ფარულ თვალთვალს დღევანდელი ხელისუფლებაც აგრძელებს.
“მე ვიცი რომ ასეთი კადრები, ათასობით კადრი ჰქონდა ნაციონალურ მოძრაობას. მერე ზარ- ზეიმით ვითომ გაანადგურეს. ეს კადრები ჟონავდა, ვიღაცებს ეს კადრები ჰქონდათ ნანახი. ამ ხელისუფლებამ გააგრძელა თვალთვალი, ამ ხელისუფლებამაც არაერთი, ჩემთვის ნაცნობი ადამიანის პირადი ცხოვრება ჩაწერა. იყო შანტაჟი, დამუქრება, გამოქვეყნება და ა.შ. მნიშვნელობა არ აქვს რომელი ხელისუფლების დროს ჩაიწერეს ეს კადრები. მნიშვნელობა აქვს იმას, რომ ეს ხელისუფლება ვერ იცავს თავის მოქალაქეს და არ იცავს. მისი სტრუქტურები უთვალთვალებენ ადამიანებს და დღემდე აგრძელებენ ამას. ამ ხელისუფლებისთვის ადამიანის პრივატული სივრცე, პირადი ცხოვრება არ არის ძვირფასი. ჰგონიათ, რომ ადამიანებს უნდა აყურებინონ სეირი. ასე სანახაობისთვის წირავენ ადამიანებს.
