უმრავლესობაში უთანხმოებაა. ქორწინების შესახებ საკონსტიტუციო პროექტის ავტორობის გამო უმრავლესობაში უთანხმოებაა. „ჯი-ეიჩ-ენის“ ინფორმაციით, ადამიანის უფლებათა კომიტეტის თავმჯდომარეს ეკა ბესელიას სურს, რომ ინიციატივის ავტორად ის იყოს მოხსენიებული და მას გუნდში მხარდამჭერებიც ჰყავს.
მიუხედავად იმისა, რომ „ქართული ოცნების“ ერთი ნაწილი მას მხარს უჭერს, მეორე ნაწილი წინააღმდეგია და დღემდე ვერ მოხდა მათ შორის შეთანხმება. შესაბამისად, პროექტს ჯერჯერობით კონკრეტული ავტორები არ ჰყავს.
თუმცა, წყაროს ცნობით, ბესელია ცდილობს, რომ პირადად ივანიშვილის მხარდაჭერა მოიპოვოს და ავტორად დაფიქსირდეს. წყაროს ცნობით, ამით ბესელიას სურს, რომ წინასაარჩევნოდ მოსახლეობაში ნდობა მოიპოვოს, რაც ბოლო პერიოდში ე.წ. პოლიტპატიმრებთან დაკავშირებით მომხდარი სკანდალის გამო პრობლემები შეექმნა.
როგორც წყარომ „ჯი-ეიჩ-ენს“ განუცხადა, ბესელიას პოზიციები ფოთში საკმაოდ მყიფეა, შესაბამისად, იგი ერთ -ერთ ვარიანტად სენაკში კენჭისყრას განიხილავს.
სენაკში ასევე კენჭისყრას აპირებენ სანაგრელო-ზემო სვანეთის გუბერნატორის მოადგილე კახა რუსია, რომელიც ამ დრომდე ბესელიას და კახა კალაძის მფრაველობის ქვეშ იმყოფება და მოქმედი პარლამენტარი გურამ მისაბიშვილიც.
