ირაკლი ოქრუაშვილი ადასტურებს, რომ გორის საკრებულოს თავმჯდომარის თანაშემწედ ინიშნება. ამის შესახებ ოქრუაშვილმა სულ რამდენიმე წუთის წინ ჟურნალისტებს გორის საკრებულოს თავმჯდომარის კაბინეტში განუცხადა.
თანაშემწის თანამდებობა დღემდე ნათია ომაძეს უკავია. თუმცა, გავრცელებული ინფორმაციით, ბრძანებას მისი გათავისუფლების შესახებ, საკრებულოს თავმჯდომარე დღეს მოაწერს ხელს.
ასევე, იგეგმება მეორე თანაშემწის დათხოვნაც. არსებული ინფორმაციით, მის ნაცვლად ,,ქართული პარტიის“ გორის ორგანიზაციის ხელმძღვანელი კახა ერგემლიძე დაინიშნება.
გორის საკრებულო თავმჯდომარე, პაპუნა კობერიძე თანამდებობიდან 5 თებერვალს, იმპიჩმენტის წესით გადააყენეს. აღმიშნული ინიციატივა გორის მუნიციპალიტეტის საკრებულოს "თავისუფალი დემოკრატებისა" და "ირაკლი ოქრუაშვილი – ქართული პარტიის" წევრებს ეკუთვნოდათ.
