სამშვიდობო პროცესის ფარგლებში ქართული მხარის მიერ, ოკუპირებული აფხაზეთის რეჟიმის პატიმრობიდან გათავისუფლებაზე ერთმა ქართველმა უარი თქვა. ,,ჯი-ეიჩ-ენის“ ინფორმაციით, პატიმარმა მხოლიდ ენგურის ხიდზე გაიგო მოლაპარაკების პირობების შესახებ და მისი კატეგორიული მოთხოვნით, დრანდის ციხეში დააბრუნეს.
წყარის იფორმაციით, გათავისუფლებულ პატიმრებს ენგურის ხიდზე აცნობეს, რომ მათ სამუდამოდ ეკრძალებათ ოკუპირებული აფხაზეთის ტერიტორიაზე შესვლა, რაც გახდა ერთ-ერთი პატიმრის, მოთხოვნის მიზეზი.
,,მას დედა და ახლობლები აფხაზები ჰყავს, თან პატიმრობის ვადა შემოდგომაზე ეწურება და ურჩევნია ეს პერიოდი მოიხადოს, ვიდრე მათთან ურთიერთობის შესაძლებლობა დაკარგოს. 3 წელი ჰქონდა მისჯილი, დრანდის ციხე დახურული რეჟიმისაა და ამიტომ პატიმრებს 1 წელი ორ წლად ეთვლებათ“, - განუცხადა წყარომ ,,ჯი-ეიჩ-ენს“.
აფხაზეთისა და სამხრეთ ოსეთის დე ფაქტო ხელისუფლებასთან მიღწეული შეთანხმების თანახმად, ქართულ მხარეს გუშინ გადმოეცა აფხაზეთისა და სამხრეთ ოსეთის ტერიტორიაზე ბოლო 6-7 წლის განმავლობაში უკანონო პატიმრობაში მყოფი საქართველოს მოქალაქეები. პაატა ზაქარეიშვილის უწყებამ გუშინ, 14 ქართველის გადმოცემის შესახებ გაავრცელა ინფორმაცია, მოგვიანებით კი საუბარი იყო 13 გათავისუფლებულზე.
