გერმანულენოვანი ქართველი მწერალი ნინო ხარატიშვილი ვენას სტუმრობდა. ნინო ხარატიშვილი ავსტრიის დედაქალაქში ადგილობრივ და ქართველ ფანებს შეხვდა. ღონისძიება ავსტრიაში საქართველოს საელჩოსა და ვენის ცნობილი  წიგნის სახლის (Hartliebs Bücher) ორგანიზებით გაიმართა. საღამოზე წარმატებული რომანების ავტორმა თავისი ბოლო ნაწარმოებიდან „მერვე სიცოცხლე (ბრილკასთვის)“ ამონარიდები წაიკითხა და მკითხველს  თავისი შემოქმედების შესახებ უამბო.  ივენთზე  მისულ სტუმრებს ქართული ღვინისა და ხაჭაპურის დეგუსტაციის საშუალება მიეცა.

ნი­ნო ხა­რა­ტიშ­ვი­ლი გერ­მა­ნი­ა­ში მცხოვ­რე­ბი და თე­ატ­რა­ლურ სამ­ყა­რო­ში კარ­გად ცნო­ბი­ლი ქართველი მწერალია. მისი რომანი “ჟუ­ჟა” 2010 წელს გერ­მა­ნი­ა­ში გა­მო­ცე­მუ­ლი წიგ­ნე­ბის ბეს­ტ­სე­ლერ­თა სიაში მოხ­ვ­და და ამისთვის ნინო ხარატიშვილს გერ­მა­ნუ­ლი ლიტერატურის გან­ვი­თა­რე­ბა­ში განსაკუთ­რე­ბუ­ლი წვლი­ლის შეტანისათვის ადალ­ბერტ ფონ შამი­სოს პრე­მია გა­დას­ცეს. 2011 წელს ნინო ხა­რა­ტიშ­ვი­ლის მე­რე რო­მა­ნი – “ჩე­მი ნა­ზი ტყუ­პის­ცა­ლი” – გამოვიდა, რო­მელ­მაც არანაკ­ლე­ბი წარ­მა­ტე­ბა მო­უ­ტა­ნა ავ­ტორს. გერ­მა­ნელმა კრიტიკოსებმა ის თა­ნა­მედ­რვე კლა­სი­კად შეაფასა. ნაწარმოები  წლის 10 სა­უ­კე­თე­სო წიგ­ნ­თა შო­რის მოხვდა  და გერ­მა­ნი­ის და­მო­უ­კი­დე­ბელ გა­მომ­ცემ­ლო­ბა­თა ასო­ცი­ა­ცი­ის პრემი­ით და­­ჯილ­დო­ვდა.

 2014 წელს გამოსული „მერვე სიცოცხლე (ბრილკასთვის)“ წლის  წასაკითხ საუკეთესო წიგნად და ასევე საუკეთესო გამოცემად იყო დასახელებული.  რომანში  რვა სიცოცხლის ამბავია მოთხრობილი. რომანის ლიტერატურულ მასალად საქართველოს ისტორიის ბოლო 100 წელი, დღევანდელობამდე არის აღებული. თხრობა იწყება პირველი მსოფლიო ომისა და რევოლუციის მიჯნაზე. რომანის მუშაობის პროცესში მწერალს სხვადასხვა ქვეყანაში მოუხდა მოგზაურობა, მათ შორის რუსეთში, სადაც ის მოსკოვისა და სანქტ-პეტერბურგის არქივში დოკუმენტურ მასალას იკლვევდა.

2011 წლის სო­ცი­ო­ლო­გი­უ­რი გამოკლევის მი­ხედ­ვით,  ნი­ნო ხა­რა­ტიშ­ვი­ლი იმ 100 ქალ­თა შო­რის არის დასახელებული,  რომ­ლე­ბიც გერ­მა­ნი­ის მო­მა­ვალს განსაზღ­ვ­რა­ვენ.

„ჯი-ეიჩ-ენი“, ვენა, მიშა ხაჩიძე