რუსეთთან ურთიერთობის საკითხებში საქართველოს პრემიერმინისტრის სპეციალური წარმომადგენლის, ზურაბ აბაშიძის თქმით, პრაღაში გრიგორი კარასინთან დაგეგმილი შეხვედრა 16 მარტს გაიმართება. აბაშიძემ განაცხადა, რომ შეხვედრაზე რუსეთთან სავიზო რეჟიმის გამარტივებაზე ისაუბრებენ.
"საუბარი გვექნება სავიზო რეჟიმის გამარტივებასთან დაკავშირებით, არ გამოვრიცხავთ, რომ წელს სავიზო რეჟიმი მოიხსნას, ამის შესახებ რუსეთის პრეზიდენტმა თქვა, საგარეო უწყებამაც გააკეთა შესაბამისი კომენტარი,“- განაცხადა ზურაბ აბაშიძემ.
