მთაწმინდის რაიონის გამგებელმა გელა არჩვაძემ საკრებულოს დეპუტატ ჯაბა ჯიშკარიანთან ერთად, კერესელიძის ქუჩაზე მიმდინარე ქვაფენილიანი გზის სარეაბილიტაციო სამუშაოები მოინახულა.
მერიის ინფორმაციით, აღნიშნულ მისამართზე 500 კვ. მეტრი დაზიანებული ქვაფენილი იცვლება, შეკეთდება მიწისქვეშა კომუნიკაციები, რისთვისაც გამგეობის ბიუჯეტიდან გამოყოფილია 65 000 ლარი.
მიმდინარე წლის განმავლობაში, ქვაფენილის აღდგენა-რეაბილიტაციის სამუშაოების ჩატარება იგეგმება 6 მისამართზე, აქედან ორ მისამართზე, მთაწმინდისა და ნიაღვრის ქუჩებზე, სავალი ნაწილი კაპიტალურად შეკეთდება.
