პარლამენტის თავმჯდომარე დავით უსუფაშვილი აცხადებს, რომ ოქტომბრიდან იწყება კოალიციური ურთიერთობის ახალი ეტაპი. ,,რესპუბლიკელების“ ლიდერმა დღეს მედიასაშუალებეთან გამართულ შეხვედრაზე განაცხადა ასევე, რომ პირველ ეტაპზე ბიძინა ივანიშვილმა მიხეილ სააკაშვილის რეჟიმისგან ქვეყნის გადამრჩენი ლაშქარი შეკრიბა.
,,ჩვენ, ერთი მხრივ, ვასრულებთ ერთად ყოფნის ერთ ეტაპს, კოალიციური ცხოვრების ეტაპს, რომელიც სრულდება ოქტომბერში არჩევნებით. მეორე მხრივ, ვემზადებით მეორე ეტაპზე გადასასვლელად. ეს ორი ეტაპი ძალიან მნიშვნელოვნად განსხვავდება ერთმანეთისგან, პირველ ეტაპზე ბიძინა ივანიშვილმა შეკრიბა ქვეყნის გადამრჩენი ლაშქარი მიხეილ სააკაშვილის და მისი რეჟიმისგან ქვეყნის გასათავისუფლებლად. ჩვენ ახლა ოქტომბერში, არჩევნებზე მივდივართ არა ვინმე ბოროტებისგან ქვეყნის გასათავისუფლებლად, არამედ ქვეყნის წინ წასაყვანად”, - განაცხადა უსუფაშვილმა.
