ირანელ ბიზნესმენს ბაბაკ ზანჯანის კორუფციული დანაშაულისთვის სიკვდილი მიუსაჯეს. ამის შესახებ ,,ბიბისი“ ირანის ხელისუფლებაზე დაყრდნობით წერს.
ზანჯანი, რომლის ქონებაც 13, 5 მილიარდ დოლარს შეადგენს, 2013 წლის დეკემბერში დააკავეს. ბრალდების თანახმად, მილიარდერი ნავთობის გასაღებით მაშინ იყო დაკავებული, როდესაც ქვეყანას ნავთობის გასაღებაზე სანქციები ჰქონდა დაწესებული. ბიზნესმენი ყველა ბრალდებას უარყოფს.
ზანჯანისთან ერთად სიკვდილი და ქონების კონფისკაცია მიესაჯა მის ორ თანამზრახველსაც.
აშშ-სა და ევროპაში ზანჯანი შავ სიაში იყო თეირანის წინააღმდეგ სანქციების გვერდის ავლაში ირანის ხელისუფლების დახმარებისათვის.
