ბრაზილიის პოლიციამ ფართომასშტაბიანი ანტიკორუფციული გამოძიების ფარგლებში ყოფილი პრეზიდენტის ლუის ინასიო ლულა და სილვას სახლი გაჩხრიკა. თავად და სილვა დაპატიმრებულია დასაკითხად. ამის შესახებ ,,ბიბისი“ ადგილობრივ მედიაზე დაყრდნობით იუწყება.
ოპერაციაში 200-მდე სამართალდამცველი და საგადასახადო სამსახურის 30 წარმომაგენელი მონაწილეობდა.
გამოძიება უკავშირდება სახელმწიფო ნავთობკომპანია "პეტრობრასის" საქმეს, რომლის მიხედვით, ნავთობკომპანიის კორუფციულ გარიგებებში ბრაზილიელი მაღალჩინოსნები იყვნენ ჩართული.
ბოლო 2 წლის განმავლობაში "პეტრობრასის" საქმის გამოძიების ფარგლებში 100-ზე მეტი ადამიანი, მათ შორის პოლიტიკოსები და ბიზნესმენები დააკავეს.
