სირიაში თავდასხმის შედეგად, ოთხი ჟურნალისტი დაშავდა. ინფორმაციას ამის შესახებ რუსეთის საგარეო საქმეთა სამინისტრო ავრცელებს.
თავდასხმა ლატაკიას პროვინციაში მიმდინარე პრეს-ტურის დროს მოხდა. დაშავებულთა შორის ბულგარეთის, კანადის და ჩინეთის მოქალაქეები არიან.
ლავროვის უწყება აცხადებს, რომ პრეს-ტური იმ ქალაქებში ტარდებოდა, სადაც ცეცხლის შეწყვეტის შესახებ შეთანხმება უკვე ძალაში უნდა იყოს შესული.
მათი ცნობით, ჟურნალისტებს დაახლოებით 8 ჭურვი ესროლეს. იერიში თურქეთის ტერიტორიიდან განხორციელდა.
