იტალიის სენატმა მოიწონა კანონპროექტი, რომელიც ერთნაირისქესიანი წყვილების სამოქალაქო კავშირების ლეგალიზაციას ახდენს. კანონპროექტს მხარი დაუჭირა 171-მა სენატრორმა, წინააღმდეგი იყო 71. კანონპროეტს კენჭი უნდა უყარონ პარლამენტის ქვედა პალატაში. ქვეყნის პრემიერ-მინისტრმა მატეო რენციმ კენჭისყრას „ისტორიული“ უწოდა.
კანონპროექტის მიღების შემთხვევაში, ერთნაირსქესიან წყვილებს მიეცემათ ქონების გაყოფისა და მემკვიდრეობით გადაცემის უფლება.
დოკუმენტიდან ამოღებულია მუხლი ერთნაირსქესიანი წყვილების მიერ ბავშვების შვილად აყვანის შესახებ. აღნიშნული იტალიის ლგბტ- საზოგადოებების წარმომადგენლების მიერ შეფასდა როგორც „მოღალატეობრივი“ ქმედება.
უნდა აღინიშნოს რომ იტალიაში ერთნაირსქესიანთა ქორწინება და სამოქალაქო კავშირი დაკანონებული არ არის. თუმცა ზოგოერთ მუნიციპალიტეტში ერთნაირსქესიანთა კავშირები დაშვებულია ადგილობრივი კანონდმებლობის საფუძველზე.
