რეგიონული პოლიტიკისა და თვითმმართველობის კომიტეტის თავმჯდომარე ირაკლი ტრიპოლსკის განცხადებით, ,,თუკი სახელმწიფო რაიმეს დაირეგისტრირებს, იმისთვის, რომ შემდეგ ხალხს გადასცეს“.
მიწის რეგისტრაციასთან დაკავშირებულ კანონპროექტზე საუბრისას დეპუტატმა ასევე განაცხადა, რომ ამჟამად პროექტის ისეთი ვარიანტი მუშავდება, რომელიც პროცესს გაამარტივებს.
„თუკი მაგალითად ტელეფონი ჩემი არ არის, ამას თქვენ როგორ გაჩუქებთ, ვიდრე ჩემად არ გავხდი? კანონპროექტი, რომელიც დეკემბერში მთავრობამ შემოიტანა, ის გაჩერდა. იუსტიციის სამინისტრო ახალ ვარიანტზე მუშაობს - ოთხი დღეა ვსხედვართ და ამაზე ვლაპარაკობთ, თუ როგორ გავუადვილოთ ადამიანებს დარეგისტრირება, ე.წ. აღიარების კომისიას რომ მივცეთ მეტი უფლება, რომ დარეგისტრირება ადვილად მოხდეს”, - განაცხადა ტრიპოლსკიმ.
,,თავისუფალი დემოკრატები“ აცხადებენ, რომ საქართველოს პარლამენტის საორგანიზაციო დეპარტამენტში მიწის რეგისტრაციასთან დაკავშირებული კანონპროექტის გაწვევის შესახებ მოთხოვნა დარეგისტრირებული არ არის და მთავრობას კანონპროექტის პარლამენტიდან გატანისკენ კიდევ ერთხელ მოუწოდებენ.
