შეერთებულ შტატებში რესპუბლიკელების შიდაპარტიულ არჩევნებში, ისევ დონალდ ტრამპმა გაიმარჯვა. არჩევნები, ამჯერად, ნევადის შტატში გაიმართა.
არჩევნების შედეგებით, მილიარდერმა ბიზნესმენმა ხმების 45,9% მოიპოვა, რითაც 20%-ზე მეტით გაუსწრო უახლოეს კონკურენტებს, მარკო რუბიოსა და თედ კრუზს.
შეერთებული შტატების ოთხი შტატიდან, სადაც უკვე გაიმართა რესპუბლიკელების შიდაპარტიული არჩევნები, ტრამპმა უკვე მესამეში გაიმარჯვა და ამით დაამტკიცა, რომ მხარდაჭერით სარგებლობს რესპუბლიკელების ელექტორატის სხვადასხვა სეგმენტში.
აშშ-ში საპრეზიდენტო არჩევნები წელს, 8 ნოემბერს გაიმართება.
