ორგანიზაცია AMNESTY INTERNATIONAL მსოფლიოში ადამიანის უფლებათა დაცვასთან დაკავშირებით ყოველწლიურ ანგარიშს აქვეყნებს, რომელშიც საქართველოსა და რუსეთავი 2-ში არსებულ მდგომარეობაზე არის საუბარი.
”სამართლებრივი დავა ოპოზიციურ ტელეკომპანია რუსთავი 2-თან დაკავშირებით იწვევს შეშფოთებას გამოხატვის თავისუფლებასთან დაკავშირებით,”- ნათქვამია ანგარიშში.
AMNESTY INTERNATIONAL-ის მიერ გამოქვეყნებულ ტექსტში წერია, რომ "ადგილობრივი არასამთავრობო ორგანიზაციების განცხადებით, საქმე რუსთავი 2-ის ამჟამინდელი მფლობელების წინააღმდეგ ყოფილმა მფლობელმა, ხელისუფლების კარნახით წამოიწყო და ის ოპოზიციისთვის აზრის გახმოვანების მთავარი საშუალების ჩამორთმევას ისახავდა მიზნად.”
"წლის ბოლოს, პოლიტიკური დაძაბულობა გაიზარდა მას შემდეგ, რაც მაშინდელმა პრემიერ-მინისტრმა ოპოზიციური პარტია "ერთიანი ნაციონალური მოძრაობის" წინააღმდეგ წამქეზებელი განცხადებები გააკეთა. გამოქვეყნდა "ერთიანი ნაციონალური მოძრაობის" მთავრობისდროინდელი, ციხეში გაუპატიურების ამსახველი ფარული კადრები და გამჟღავნდა ყოფილ პრეზიდენტსა და ოპოზიციურად განწყობილ ტელეკოპანია "რუსთავი 2"-ის მმართველებს შორის კავშირი. "ნაციონალური მოძრაობის" რამდენიმე ოფისს ქვეყნის მასშტაბით პოლიტიკური მოტივებით ხალხის ბრბო დაესხა თავს. ეროვნული ვალუტის 26 პროცენტით გაუფასურებამ დოლართან მიმართებაში კი არაერთი ოჯახი დააზარალა, რომლებსაც წინა წლებში სესხები ჰქონდათ აღებული, ეკონომიკური არამდგრადობა გაიზარდა. აფხაზეთისა და სამხრეთ ოსეთის ოკუპირებულ ტერიტორიებზე გადაადგილება შეიზღუდა. უსაფრთხოებისა და ჰუმანიტარული საკითხების კუთხით პრობლემები ორ მიძინებულ კონფლიქტთან დაკავშირებით კვლავ არსებობს", - აღნიშნულია ანგარიშში.
ანგარიშში ასევე ნათქვამია, რომ არსებობს ბრალდებები სასამართლო სისტემაზე პოლიტიკურ ზეწოლასთან და შერჩევით სამართალთან დაკავშირებითაც. საუბარია, ასევე სამართალდამცველების მიერ მშვიდობიანი შეკრებების შეზღუდვისა და მათი დაშლის ფაქტებზე.
დოკუმენტში ასევე საუბარია ლგბტ თემის წევრების უფლებების მხრივ არსებული ვითარებაზე.
"ჰომოფობიისა და ტრანსოფობიის წინააღმდეგ საერთაშორისო დღემ 17 მაისს მშვიდობიანად ჩაიარა, ხელისუფლებამ უარი თქვა ღონისძიების უსაფრთხოების გარანტირებაზე, ვიდრე იგი კონკრეტულ ადგილას, წინასწარი დაანონსების გარეშე არ ჩატარდა. 7 აგვისტოს თბილისის საქალაქო სასამართლომ მამაკაცს ტრანსგენდერი ქალბატონის ძალადობასა და კიდევ ერთის მკვლელობასა და მისი სახლის დაწვაში დასდო ბრალი და მას ოთხი წლით თავისუფლების აღკვეთა მიუსაჯა. თუმცა, სასამართლომ დაადგინა, რომ მკვლელობა იყო თავდაცვის მიზნით და მას შესაბამისი სასჯელი მიუსაჯა", - აღნიშნულია ანგარიშში.
დოკუმენტში ნახსენებია გიგი უგულავას საქმეც, რომელთან დაკავშირებითაც 17 სექტემბერს საკონსტიტუციო სასამართლომ გადაწყვეტილება მიიღო: "მიღებული გადაწყვეტილების გამო მოსამართლეები მთავრობის ლიდერების მხრიდან მკაცრი კრიტიკის, ხოლო მთავრობის მხარდამჭერი ჯგუფების მხრიდან დაშინების მხვერპლნი გახდნენ", - წერია დოკუმენტში.
AMNESTY INTERNATIONAL -ის ანგარიშში საუბარია შეკრების თავისუფლებასთან დაკავშირებით არსებულ პრობლემებზეც.
"იყო რამდენიმე შემთხვევა, როდესაც პოლიციამ უკანონოდ შეზღუდა ან აღკვეთა მშვიდობიანი შეკრება, მაშინ როდესაც რამდენიმე შემთხვევაში მათ ვერ შეძლეს პოლიტიკურ ოპონენტებს შორის შეტაკებების პრევენცია. 15 მარტს "ქართული ოცნების" დაახლოებით 50 მხარდამჭერი ძალის გამოყენებით შეიჭრა "ერთიანი ნაციონალური მოძრაობის" ოფისებში - ზუგდიდში ხის ჯოხებითა და ქვებით შეიარაღებული ჯგუფი შეიჭრა ოფისში და ფანჯრები ჩაამსხვრია. გავრცელებული ცნობით, 9 ადამაინი დაშავდა, მათ შორის ერთი სამართალდამცველი, რომელმაც მათი შეჩერება სცადა, თუმცა, თავდამსხმელები ბევრნი იყვნენ. 12 ივნისს 15-მა აქტვისტმა სცადა თბილისში ჰეიდარ ალიევის სკვერში აზერბაიჯანში ადამიანის უფლებების არასათანადო დაცვის გასაპროტესტებლად შეკრება აზერბაიჯანის დედაქალაქ ბაქოში ევროპული თამაშების დაწყებამდე. პიკეტირებმადე, პოლიციის წარმომადგენლებმა გადაკეტეს სკვერი და აქტივისტებს მიზეზის გარეშე უარი უთხრეს იქ შესვლაზე", - წერია ანგარიშში.
