"თუ ახვლედიანი განდევნა სისტემამ, შეიძლება გვენეტაძე მოინელოს სისტემამ," - ასე აფასებს თავისუფალი დემოკრატების ერთ-ერთი ლიდერი, ნინო გოგუაძე, გადაცემა არჩევანში მიმდინარე პროცესებს.
მან ნინო გვენეტაძის მხარდაჭერის პროცესი გაიხსენა და თქვა, რომ პარლამენტში მის კანდიდატურის მხარდაჭერა სწორი გადაწყვეტილება იყო, რადგან ის პრეზიდენტმა ღია გამჭვირვალე წესით შეარჩია და წარადგინა. თუმცა, მისივე თქმით, დღეს უკვე მიმდინარე პროცესები შეშფოთების საბაბს იძლევა.
„დღეს შეშფოთების საგანი ნამდვილად გვქონდა, რადგან ნამდვილად არ გვესიამოვნა მურუსიძის გვერდით მდგარი ნინო გვენეტაძის ყურება და ვფიქრობთ, რომ თუ ახვლედიანი განდევნა სისტემამ, შეიძლება, გვენეტაძე მოინელოს სისტემამ,“ - განაცხადა ნინო გოგუაძემ.
