ევროკავშირი თურქეთთან ერთად მარტის დასაწყისში მიგრაციის კრიზისთან დაკავშირებით სპეციალურ სამიტს გამართავს.
,,ბიბისის“ ინფორმაციით, ევროკავშირის საბჭოს პრეზიდენტმა დონალდ ტუსკმა განაცხადა, რომ "ევროკავშირისა და თურქეთის ერთობლივი სამოქმედო გეგმა პრიორიტეტს წარმოადგენს".
ევროკავშირი თურქეთს ლტოლვილების თავის ტერიტორიაზე განთავსებისთვის 3 მილიარდი ევროს გამოყოფას დაჰპირდა.
გასულ წელს მილიონზე მეტი ლტოლვილი ჩავიდა ევროკავშირის ქვეყნებში, რამაც ევროპა მეორე მსოფლიო ომის შემდეგ ყველაზე მასშტაბური მიგრაციის კრიზისის წინაშე დააყენა. მიგრანტების დიდი ნაწილი ევროკავშირის ქვეყნებში თურქეთის ტერიტორიის გავლით ჩადის.
