საფრანგეთის პრეზიდენტის ფრანსუა ოლანდის განცხადებით, შეთანხმება დიდ ბრიტანეთსა და ევროკავშირს შორის შესაძლებელია, იმიტომ, რომ აუცილებელია,
ბრიუსელში მიმდინარე სამიტის ფარგლებში მან ასევე განაცხადა, რომ დიდი ბრიტანეთი ევროკავშირის შემადგენლობაში უნდა დარჩეს, თუმცა, არც ერთ ქვეყანას არ ექნება უფლება თავიდან აირიდოს საერთო რეგულაციები.
დიდი ბრიტანეთის პრემიერ-მინისტრმა დევიდ ქემერონმა კი განაცხადა, რომ ის დაეთანხმება იმ პირობებს, რომლის მიხედვითაც ბრიტანეთის მოთხოვნები ევროკავშირის რეფორმებთან დაკავშირებით გათვალისწინებული იქნება.
ბრიუსელში დიდი ბრიტანეთის მიერ შემუშავებულ ევროკავშირის რეფორმებთან დაკავშირებით სამიტი მიმდინარეობს. რეფორმები ბრიტანეთის ევროკავშირში დარჩენას განსაზღვრავს.
