მოსკოვში ოფიციალური ვიზიტით მყოფი უნგრეთის პრემიერ-მინისტრი ვიქტორ ორბანი რუსეთსა და ევროკავშირს უკეთესი ურთიერთობებისაკენ მოუწოდებს. „ჩვენ ყველანი ვართ დაინტერესებული ურთიერთობის ნორმალიზებით რუსეთსა და ევროკავშირის შორის, რაც უნგრეთის ინტერესებს შეესაბამება“, - განაცხადა ორბანმა რუსეთის პრეზიდენტ ვლადიმირ პუტინთან შეხვედრის დროს.
ევროკავშირთან ურთიერთობის გამოსწორებაში დარწმუნებულია ვლადიმერ პუტინი.
„რუსეთის წინააღმდეგ სანქციების მოხსნას ევროკავშირი მინსკის პროცესის სრულად შესრულებას უკავშირებს, თუმცა ეს უაზრობაა, რადან კიდევ ერთხელ ვიმეორებ, ბურთი რუსეთის მოედანზე არ არის. მიუხედავად ამისა, სიმშვიდეს ვინარჩუნებთ ამ პროცესთან მიმართებაში და დარწმუნებულები ვართ, რომ ადრე თუ გვიან რუსეთსა და ევროკავშირს შორის ურთიერთობების გაუმჯობესება მაინც მოხდება,“- განაცხადა პუტინმა.
