შეხვედრაზე მან "ალიანსის" დასაქმების პროგრამაზე ისაუბრა, რომლის მიხედვით დასაქმებისთვის 120 მლნ ლარი უნდა იქნას გამოყოფილი. თანხა საოჯახო ბიზნესის განვითარებას უნდა მოხმარდეს.

"ჩვენ გვექნება შესაძლებლობა დავაფინანსოთ 20 ათასამდე საწარმო იაფიანი, 8 პროცენტიანი სესხით. მათი დაფარვის ვადა 3 წლამდე განისაზღვრება. ამასთან, მნიშვნელოვანია ბიზნესომბუდსმენის ინსტიტუტის შემოღება, რადგან ბიზნესი თბილისში სახელმწიფო ჩარევისგან დაცული უნდა იყოს", - აღნიშნა ირაკლი ალასანიამ.

შეხვადრა ამომრჩევლებთან დღეს "ალიანსის" გლდანის რაიონის მაჟორიტარობის კანდიდატმა ნუგზარ გაბუნიამაც გამართა. იგი მე-7 მიკრორაიონში კომპაქტურად ჩასახლებულ დევნილებს შევხდა. 27 ოჯახი დაუსრულებელ მრავასართულიან კორპუსშია შესახლებული, სადაც არანაირი კომუნალური გაყვანილობა არ არის.

არჩევნებში გამარჯვების შემთხვევაში, გაბუნია, აღნიშნული საკითხის დაყენებას, საკრებულოში აპირებს.