ანკარა მოსკოვს საპასუხო სანქციებით ემუქრება. თურქეთის სოფლის მეურნეობის მინისტრმა კრემლს ის საფრთხეები შეახსენა, რაც რუსეთიდან იმპორტის აკრძალვის შემთხვევაში ქვეყნის ეკონომიკას ელის.
ფარუკ ჩელიკის თქმით, იმპორტის შეზღუდვის შემთხვევაში რუსეთს გაცილებით დიდი ზარალი მიადგება, ვიდრე თურქეთს, რადგანაც რუსეთიდან იმპორტირებული პროდუქციის ჯამური ღირებულება დღეისათვის მილიარდ დოლარს აჭარბებს.
ორ ქვეყანას შორის ურთიერთობა მას შემდეგ დაიძაბა, რაც თურქებმა საჰაერო სივრცის დარღვევის გამო, რუსული ავიაგამანადგურებელი ჩამოაგდო.
