რუსეთის სახელმწიფო დუმის საერთაშორისო საქმეთა კომიტეტის თავმჯდომარე ალექსეი პუშკოვი მიიჩნევს, რომ საერთაშორისო გამოძიების შედეგად, საქართველოს ექსპრეზიდენტ მიხეილ სააკაშვილს სისხლის სამართლის პასუხისმგებლობა უნდა დაეკისროს.
,,თუ სისხლის სამართლის საერთაშორისო სასამართლო მიზეზების გამოძიებას დაიწყებს, აუცილებლად დაასკვნის, რომ სამოქალაქო მოსახლეობის წინააღმდეგ დანაშაული იქნა ჩადენილი", - განაცხადა პუშკოვმა.
მისი თქმით, ტრიბუნალის საბოლოო შედეგი უნდა გახდეს მიხეილ სააკაშვილის სისხლის სამართლის პასუხისგებაში მიცემა.
ჰააგის სისხლის სამართლის საერთაშორისო სასამართლომ, რამდენიმე დღის წინ, დააკმაყოფილა პროკურორ ფატუ ბენსუდას შუამდგომლობა 2008 წლის აგვისტოს ომის გამოძიების დაწყების საკითხზე.
