ეკა აბაშიძე ენტონი ვან დეიკის ტილოსთან დაკავშირებით სასამართლოდან დოკუმენტაციის გამოთხოვას აპირებს. ასევე, ის მოიძიებს ნასყიდობის ხელშეკრულებას სანოტარო ბიუროდან. აბაშიძე უახლოეს დღეებში გეგმავს იმ სურათის გასაჯროვებას, რომელშიც დედამისი ამ ფერწერულ ტილოსთან ერთადაა გადაღებული. ეკა აბშიძის განცხადებით, ყველა ეს დოკუმენტაცია იმის დამადასტურებელია, რომ სურათი მათ საკუთრებას წარმოადგენდა. ვან დეიკის ტილოს საკითხს თურქეთის და საქართველოს საგამოძიებო ორგანოები პარალელურ რეჟიმში სწავლობენ. სტამბოლში ჰოლანდიელი მხატვრის, ენტონი ვან დეიკის ნახატის არალეგალურად გაყიდვის დროს ორი ბიზნესმენი დააკავეს. თურქული მედია იუწყება რომ ტილო საქართველოდან კონტრაბანდული გზით არის გატანილი. დოკუმენტაციის მოძიებას შუამავლებიც გეგმავენ. მალხაზ მახარაძე აცხადებს, რომ ტილო თურქეთში ლეგალურად გაიტანა და ამის დამადასტურებელი საბუთი კულტურის სამინისტროში უნდა ინახებოდეს. მახარაძის თქმით, საზჰირ ჰუსეინოვთან ერთად ის უწყებაში მისვლას და შესაბამისი ნებართვის ამოღებას დღეს აპირებს.
