ანკარამ მოსკოვს შესაძლოა მსოფლიო სავაჭრო ორგანიზაციაში უჩივლოს. ამის შესახებ თურქეთის ეკონომიკის მინისტრმა ადგილობრივი მედიისთვის მიცემულ ინტერვიუში განაცხადა. მუსტაფა ელიტაშის თქმით, თურქეთისთვის სანქციების დაწესებით რუსეთმა ორგანიზაციის წესდებით დადგენილი ნორმები დაარღვია, რასაც თურქეთი არამხოლოდ მსოფლიო სავჭრო ორგანიზაციაში, არამედ საერთაშორისო სასამართლოებშიც გააპროტესტებს. ორ ქვეყანას შორის ურთიერთობა მას შემდეგ დაიძაბა, რაც თურქებმა საჰაერო სივრცის დარღვევის გამო რუსული სუ 24 ჩამოაგდეს.
