თელავში, პოლიციის შენობის ეზოში საპატრულო პოლიციის თანამშრომელი მოკლეს.
ამ დროისთვის არსებული ინფორმაციით, ეჭვმიტანილი პოლიციის შენობის ეზოში შევიდა და ცეცხლი გაუხსნა საპატრულო პოლიციის თანამშრომელს, რომელიც დაჭრა, მის დასახმარებლად მისული პოლიციელი კი მოკლა.
"თელავში, პატრულის მეზობლად მცხოვრები ვინმე მეტრეველი შევარდა შენიბაში, ესროლა და დაჭრა გოგონა პატრულის თანამშრომელი, მის დასახმარებლად მისული ახალგაზრდა მამაკაცი პატრული კი მოკლა. თავდამსხმელი დაჭერილია. მოტივი ჯერჯერობით უცნობია”, - წერს სოციალურ ქსელში პარლამენტის წევრი გივი თარგამაძე.
გავრცელებულ ინფორმაციას შინაგან საქმეთა სამინისტროში ადასტურებენ.
თავდამსხმელი დაკავებულია.
დამატებითი დეტალები ამ დროისთვის უცნობია.
