იაპონური კორპორაცია ტოშიბა რუსეთში საქმიანობას წყვეტს. ამის შესახებ გამოცემა „კომერსანტი“ იტყობინება. კომპანიის ხელმძღვანელობის განმარტებით, ტოშიბას რუსულ ფილიალებში დარჩენილი ტექნიკა უკვე გაყიდულია და კომპანიამ რუსული ბაზარი პრაქტიკულად უკვე დატოვა. ამის მიზეზად ტოშიბას დირექტორთა საბჭო რუსეთში არსებულ ეკონომიკურ ვითარებას და რუბლის ინფლაციით გამოწვეულ პრობლემებს ასახელებს.
