თურქეთის მიერ ერაყში ჯარების შეყვანის გამო ოფიციალურმა ბაღდადმა გაეროს მიმართა. „მოვუწოდებთ გაეროს უშიშროების საბჭოს, თურქეთს ერაყის ტერიტორიიდან ჯარების გაყვანა და ერაყის სუვერენიტეტის პატივისცემა აიძულოს,“-ნათქვამია უშიშროების საბჭოსადმი მიმართვაში. 150 სამხედრო მოსამსახურე თურქეთმა მოსულში დეკემბრის დასაწყისში შეიყვანა და ბაღდადის მწვავე რეაქციის მიუხედავად, სამხედრო კონტინგენტის გაყვანას არ აპირებს.
