ისრაელში თავდასხმების სერია გრძელდება. პალესტინელთა ორ თავდასხმას, ბოლო მონაცემებით, 5 ებრაელი ემსხვერპლა. ერთ-ერთ მათგანს თავს სინაგოგაში დაესხნენ და დანით სასიკვდილო ჭრილობები მიაყენეს. მოგვიანებით კი იორდანეს დასავლეთ სანაპიროზე ახალგაზრდა პალესტინელმა ისრაელის მოქალაქეებს ცეცხლი გაუხსნა, შემდეგ კი ხალხის მასაში მანქანით შეიჭრა. ინციდენტს 4 ადამიანი ემსხვერპლა. თავდამსხმელი პოლიციელებმა მოკლეს. პალესტინელები ისრაელის მოქალაქეებს თავს ბოლო 2 თვეა, გამუდმებით ესხმიან. შედეგად, 15-ზე მეტი ებრაელია დაღუპული.
