დევნილთა მინისტრი სოზარ სუბარი აცხადებს, რომ არჩევნების დამთავრების შემდეგ, თავდაცვის მინისტრს აქვს უფლება ხმები დაითვალო.ს
საკითხის კომენტირებისას მინისტრმა განაცხადა ასევე, რომ საგარეჯოში ჩატარებულ არჩევნებთან დაკავშირებით გაყალბების ვერცერთი მტკიცებულება ვერ დაიდო.
,,ზოგადად, შიმშილობა და აქციები არის ნებისმიერი ადამიანის კონსტიტუციური უფლება. თუმცა, პარლამენტში შესვლა და ნებისმიერ არჩევით თანამდებობაზე მოხვედრა ხდება არჩევნებით, ხმების დაცვით. რაც შეეხება, გაყალბდა თუ არა არჩევნები, არცერთი რეალური მტკიცებულება არ მომისმენია, არც ინაშვილისგან, არც საერთაშორისო თუ ადგილობრივი დამკვირვებლებისგან და არც კომისიის წევრებისგან. თავდაცვის მინისტრს აქვს უფლება, დაითვალოს ხმები მას შემდეგ, რაც არჩევნები დამთავრდა“, - განაცხადა სუბარმა.
შეგახსენებთ, „პატრიოტთა ალიანსი“ საგარეჯოში ჩატარებული მაჟორიტარული არჩევნების შედეგებს აპროტესტებს. ალიანსის წევრები თავდაცვის მინისტრისა და გარემოს დაცვის მინისტრების გადადგომის მოთხოვნით, მთავრობის ადმინისტრაციასთან შიმშილობენ. მინისტრებს ისინი არჩევნების შედეგების გაყალბებაში ადანაშაულებენ.
