ვაკე-საბურთალოს განყოფილებაში სამართალდამცავების მიერ ნაცემმა ადვოკატმა, გირგი მდინარაძემ, კლინიკა დატოვა. მან ჟურნალისტებთანგანაცხადა, რომ პოლიციის განყოფილებაში ხელბორკილებშეკრულს დაახლოებით, 5-10 წუთის განმავლობაში ურტყამდნენ.
,,მე შევედი მათთან და ვუთხარი, რომ ჩემმა კლიენტმა, არასრულწლოვანმა დუმილი აირჩია. ამის შემდეგ წავედით გამომძიებელთან დაკითხვის დასაწყებად. ამასობაში ეს პირი მოვიდა და დამიწყო თავის დარტყმა და უნდოდა პროვოკაციაზე წავსულიყავი. მე კარგად ვიცნობ პოლიციელებს და თავი მაქსიმალურად შევიკავე, რადგან შესაძლოა სისხლის სამართლის საქმე აღძრულიყო ჩემს წინააღმდეგ. ჩემი მხრიდან არ ყოფილა სიტყვიერი შეურაცხყოფაც კი. მიუხედავად ჩემი მოწოდებისა დაწყნარებულიყო, მან ხელი დამარტყა. შემდეგ გასცა ბრძანება ჩემი დაკავების და ხელბორკილები დამადეს, სახის დაცვის საშუალებაც არ მქონდა, მირტყამდნენ, დაახლოებით, 5-10 წუთის განმავლობაში", - განაცხადა გიორგი მდინარაძემ.
მისივე თქმით, ამ ეტაპზე ვერ დაასახელებს იმ პირებს, რომლებიც ძალადობაში მონაწილეობდნენ.
აღნიშნულ საქმესთან დაკავშირებით, დღეს ადვოკატთა ასოციაციაში იურისტების და საერთაშორისო ორგანიზაციების წარმომადგენლების შეხვედრა დასრულდა. ადვოკატები არ გამორიცხავენ, რომ უარი თქვან პროცესებზე დასწრებაზე იმ შემთხვევაში თუ მათი კოლეგის ცემის საქმე არ იქნება დროულად და სათანადოდ გამოძიებული.
