ესტონეთის საგარეო უწყების ხელმძღავანელი შეშფოთებულია საქართველოში სასამართლოსა და მედიის დამოუკიდებლობის კუთხით გაჩენილი კითხვების გამო. ამის შესახებ მან ქართველ კოლეგასთან, გიორგი კვირიკაშვილთან შეხვედრის შემდეგ განაცხადა.
,,ჩვენი მეგობრობისა და პოზიტიური შედეგების მიუხედავად, ბოლო დროს განვითარებული მოვლენები ძალიან გვაშფოთებს, რომელმაც სასამართლო დამოუკიდებლობისა და პლურალისტული მედიის მომავალთან დაკავშირებით კითხვები გააჩინა. NATO-სა და ევროკავშირში გაწევრიანებამ გვასწავლა, რომ წარმატებული მხოლოდ ის ქვეყნები არიან, რომლებიც კანონის უზენაესობას ეყრდნობიან. ხაზი მინდა გავუსვა, რომ სიტყვის თავისუფლების დაცვა, საერთო მიზნისთვის მუშაობის შესაძლებლობა და მთავრობისა და ოპოზიციის ურთიერთპატივისცემა ამ პრინციპების განუყოფელი ნაწილია», - აღნიშნა მარინა კალიურანდმა.
