ორი დღის წინ, მშვიდობის ხიდთან ავტოსაგზაო შემთხვევის შედეგად, მტკვარში გადავარდნილი გოგონას ძებნა შეუჩერებლად მიმდინარეობს, - ამის შესახებ საგანგებო სიტუაციების მართვის სააგენტოში აცხადებენ.
,,ორი დღის წინ, მშვიდობის ხიდთან მოხდა ავტოსაგზაო შემთხვევა. ადგილზე მობილიზებული იყვნენ საგანგებო სიტუაციების მართვის სააგენტოს მაშველები. შემთხვევის ადგილზე მდინარე მტკვრიდან ამოყვანილია ერთი გარდაცვლილი, ერთი ადამიანი მოვათავსეთ ინგოროყვას კლინიკაში და ახალგაზრდა გოგონას სამძებრო სამუშაოები ამ წუთებშიც შეუჩერებლად მიმდინარეობს. მდინარე მტკვირდან ასევე ამოღებულია ავტომანქანა, სადაც აღნიშნული ადამიანები ისხდნენ”, - აღნიშნავენ სააგენტოში.
