წყალმომარაგების კომპანიიდან 3 მილიონი ლარის მითვისების საქმეზე სასამართლო პროცესი დღეს განახლდება. პროცესზე დაცვის მხარე დასკვნითი სიტყვით წარსდგება, რის შემდეგაც სასამართლო სავარაუდოდ სათათბიროდ გავა. სისხლის სამართლის პასუხისგებაში სამი პირია მიცემული. მათ შორის, კომპანიის მთავარი ბუღალტერი თამარ ფხოველიშვილი, ასევე, მისი მეუღლე და კიდევ ერთი პირი. საქმე ეხება წყალმომარაგების კომპანიიდან ფულადი თანხების, დაახლოებით 3 მილიონამდე ლარის მითვისების ფაქტს. სხდომა საქალაქო სასამართლოში 11 საათზეა ჩანიშნული.
