თბილისის პროკურატურამ, ადვოკატ გიორგი მდინარაძის ცემის ფაქტზე, გამოძიება დაიწყო. პროკურატურის პრესსამსახურის ინფორმაციით, გამოძიება სისხლის სამართლის კოდექსის 333-ე მუხლის მე-3 ნაწილით მიმდინარეობს, რაც სამსახურებრივი უფლებამოსილების გადამეტებას გულისხმობს.
,,ამ ეტაპზე მიმდინარეობს ინტენსიური საგამოძიებო მოქმედებები" - აცხადებენ პროკურატურაში.
შეგახსენებთ, ადვოკატი გიორგი მდინარაძე, რომელიც ტვინის შერყევით საავადმყოფოშია მოთავსებული, აცხადებს, რომ მას ვაკე-საბურთალოს მე-5 განყოფილებაში პოლიციელები გაუსწორდნენ. მისი მტკიცებით, სამართალდამცავების გაღიზიანება ინ ფაქტმა გამოიწვია, რომ საკუთარი დაცვის ქვეშ მყოფ არასრულწლოვანს დუმილის უფლების გამოყენება უჩია. ადვოკატის ინფორმაციით, მის ფიზიკურ შეურაცხყოფაში განყოფილების უფროსიც მონაწილეობდა.
