საპარლამენტო უმრავლესობის ლიდერის, ზვიად კვაჭანტორაძის განცხადებით, მასზე დადებით შთაბეჭდილებას ის არ ახდენს, რომ „რუსთავი 2“-თან დაკავშირებით გადაწყვეტილებები გვიან ღამით მიიღება.
როგორც ჟურნალისტებს კვაჭანტირაძემ განუცხადა, მას ეს ფაქტი არ მოეწონა და მიაჩნია, რომ ასეთი გადაწყვეტილებების ასეთ ფორმატში მიღება სახელმწიფოს ინტერესებს არ შეესაბამება.
„მოსამართლეს შეიძლება, დღისითაც იგივე გადაწყვეტილება გამოეტანა, მაგრამ გადაწყვეტილების მიღების დრო ჩემში დადებით ემოციებს არ იწვევს და ძალიან ცუდ დროს მახსენებს, როცა „ნაციონალური მოძრაობის“ პერიოდში, გადაწყვეტილებების მიღება და წილების-გადაფორმება-გადმოფერება ასევე ღამ-ღამობით ხდებოდა“, - განაცხადა კვაჭატირაძემ.
