საპარლამენტო უმრავლესობის წევრის, ანი მიროტაძის განცხადებით, „რუსთავი 2“-თან დაკავშირებით, უფრო მეტი კითხვა არსებობს, ვიდრე პასუხი.
როგორც ჟურნალისტებს მიროტაძემ განუცხადა, მოსამართლის საქმე არ არის არცერთი მედია საშუალების, მათ შორის „რუსთავი2“-ის სარედაქციო პოლიტიკა.
მისი თქმით, არავის საქმე არ არის მედია საშუალების მუშაობის შეჩერება.
„სხვა საკითხია ის სამართლებრივი დავა, რომელიც არსებობს და სასამართლომ საკუთარი კომპეტენციის ფარგლებში, გადაწყვეტილება უნდა მიიღოს. რაც შეეხება გადაწყვეტილებას, რომელიც ყველამ ვნახეთ, განმარტებას საჭიროებს როგორც ქიბარ ხალვაშის, ასევე მოსამართლის მხრიდან“, - აცხადებს მიროტაძე.
