„ნაციონალური მოძრაობის“ წევრის, დავით დარჩიაშვილის განცხადებით, ქვეყანა კონტიტუციური სივრციდან გადის.
როგორც ჟურნალისტებს დარჩიაშვილმა განუცხადა, ის რაც „რუსთავი2”-თან დაკავშირებით სასამართლოს გადაწყვეტილებით ხდება, ეფ-ეს-ბე-ივანიშვილის ერთობლივი სურვილია.
მისი თქმით, ამ შემთხვევაში საუბარია არა კონკრეტული მედია საშუალების წინააღმდეგ აბსოლუტურად უკანონო ბრძოლაზე, არამედ საქართველოს დემოკრატიული განვითარების კურსიდან გადაგდებაზე.
„ასეთი ნაბიჯებით თაობების ნალოლიავებ ოცნებას – ევროპულ და ევროატლანტიკურ სივრცეს ვცილდებით. ის რაც მოსამართლე ურთმელიძემ კალმის ერთი მოსმით გააკეთა, უმნიშვნელოვანესი პოლიტიკური და ასევე გეოპოლიტიკური საკითხია”, - დასძენს დარჩიაშვილი.
