იური ვაზაგაშვილის მკვლელობაში ბრალდებული გია სოსანაშვილის საქმეზე მოსამართლე განაჩენს დღეს გამოიტანს. წინა სხდომაზე ბრალდებული სასამართლოს წინაშე საბოლოო სიტყვით წარდგა, რის შემდეგაც მხარეები კამათის ეტაპზე გადავიდნენ. სოსანაშვილი დანაშაულს არ აღიარებს, წინასწარი პატიმრობის 9 თვიანი ვადა კი მას ხვალ ეწურება. იური ვაზაგაშვილი 2015 წლის 20 იანვარს სოფელ ყარაფილაში შვილის საფლავზე აფეთქების შედეგად გარდაიცვალა. პროცესი საქალაქო სასამრთლოში 10 საათზე დაიწყება.
