საქართველოს საგარეო საქმეთა მინისტრის, გიორგი კვირიკაშვილის განცხადებით, საქართველო არასდროს დაუშვებს იმ დროში დაბრუნებას, როდესაც მედიასაშუალებების დიდი ნაწილი ერთი ნარატივით მუშაობდა.
როგორც საგარეო საქმეთა მინისტრმა ჟურნალისტებს ლიტვაში განუცხადა, ბოლო წლებში დაფიქსირდა მნიშვნელოვანი პროგრესი მედიის თავისუფლების კუთხით და ეს ხელისუფლებისთვის ფუნდამენტური მნიშვნელობის საკითხია.
"ის, რომ სიტყვის თავისუფლების კითხით საქართველოში ნამდვილად არის გაუმჯობესების ტენდენცია, ამას ჩვენი პარტნიორებიც აღნიშნავენ. ჩვენთვის მედიის თავისუფლება არის ძალზედ მნიშვნელოვანი და საქართველო აღარასოდეს დაუბრუნდება იმ დროს, როდესაც თითქმის ყველა მედიასაშუალება ერთი ნარატივით მუშაობდა," - განაცხადა გიორგი კვირიკაშვილმა "რუსთავი 2" ირგვლივ განვითარებულ პროცესებზე კომენტირებისას.
