თქვენ მართლაც გამორჩეულად, ისე როგორც სხვები, აშუქებთ მოვლენებს საქართველოში, - ასე მიმართა მოსამართლე ურთმელიძის გადაწყვეტილების შემდეგ საქართველოს პრემიერ-მინისტრმა ირაკლი ღაიბაშვილმა თავის პირველ კომენტარში რუსთავი 2-ის ჟურნალისტებს.
"ჟურნალისტებს თქვენ, რუსთავი 2-ს მინდა მოგმართოთ. თქვენ ხართ ძალიან კარგი პროფესიონალები. მინდა აქვე დავაფიქსირო ჩემი პატივისცემა, ჩემი მხარდაჭერა თქვენდამი. ვინაიდან თქვენ მართლაც გამორჩეულად, ისე როგორც სხვები, აშუქებთ მოვლენებს საქართველოში, მაგრამ დაუშვებელია სწორედ ჟურნალისტებისა და მედიასაშუალებების პოლიტიზირება. ყველა პოლიტიკოსმა თავი უნდა შეიკავოს მაქსიმალურად მედიის პოლიტიზირებისგან. მე პირადად ამის წინააღმდეგი ვარ,"- განაცხადა ირაკლი ღარიბაშვილმა.
ირაკლი ღარიბაშვილი თქმით, იგი სასამართლო დავის დეტალებს არ იცნობს და მას არ აინტერესებს თუ ვინ იქნება რუსთავი 2-ის მფლობელი.
მისი თქმით, მისთვის მთავარია დაცული იყვნენ ჟურნალისტები.
ირაკლი ღარიბაშვილმა ასევე აღნიშნა, რომ სასამართლო გადაწყვეტილებას ყველა უნდა დაემორჩილოს.
