,,ნაციონალური მოძრაობის” ერთ-ერთი ლიდერის, გიორგი ვაშაძის განცხადებით, „რუსთავი 2“-თან დაკავშირებით ბრძოლა დამთავრებული არ არის, რადგან მოსამართლის გადაწყვეტილების გასაჩივრების შემდეგი ინსტანციები არსებობს.
როგორც ჟურნალისტებს ვაშაძემ განუცხადა, ურთმელიძეს გადაწყვეტილებაში მოულოდნელი არაფერი არ იყო, რადგან ის „ქართული ოცნების“ მიერ მართულია.
„რა თქმა უნდა, ის იმ გადაწყვეტილებას მიიღებდა, რაც „ქართულ ოცნებას“ სურდა. საქმე სამართლებრივ ნონსესთან გვაქვს, რადგან დღევანდელი მესაკუთრე ქიბარ ხალვაშთან არაფერ შუაშია, მან ქონება სხვას მიჰყიდა. ურთმელიძემ საკუთარი გადაწყვეტილებით კეთილსინდისიერი მყიდველის ცნება ჩამოანგრია. აღასრულებასთან დაკავშირებით საკონსტიტუციო სასმართლოს რომ არა, მეორე გადაწყვეტილებას მყისიერად ვნახავდით, რომელიც დაუყონებლივი აღსრულებისკენ იქნებოდა მიქცეული. ჯერჯერობით, თავისუფლად საუბრის უფლება გვაქვს და არსებობს „რუსთავი 2“, რომელიც თავისუფალი სიტყვის გარანტი იქნება. ეს არ არის დამთავრებული ბრძოლა, რადგან შემდეგი ინსტანციები არსებობს“, - განაცხადა ვაშაძემ.
