რუსთავი 2-ის ადვოკატი ზაზა ბიბილაშვილი აცხადებს, რომ მოსამართლე ურთმელიძე დღევანდელი გადაწყვეტილების გამო პასუხს აგებს.
რუსტავი 2-ის საქმეზე გადაწყვეტილების გამოტანის შემდეგ ადვოკატმა განაცხადა, რომ ეს არის სისხლის სამართლის დანაშაული.
"მოხდა ის რასაც ველოდით. საქართველოში გაფორმდა ივანიშვილის ბნელი ევრაზიული ტიპის დიქტატურა. გაფორმდა დიქტატურ, რომელსაც საფუძვლად უდევს უკანონობა, უსამართლობა. ეს არის ძალადობა სასამართლოს ხელით. თამაზ ურთმელიძე არ არის
მოსამართლე. ის აუცილებლად აგებს პასუხს რაც დღეს გააკეთა. ეს არის სისხლის სამართლის დანაშაული. გამომჟღავნდება ადრე თუ გვიან ის ყველაფერი რაც მასსა და ხელისუფლებას შორის მასსა და ბიძინა ივანიშვილს შორის იყო ამ შედეგის დადგომამდე.
ის მოხდა რასაც ვწინასწარმეტყველებდი. 5 თვალთმაქცურად დაყენებული მოთხოვნები არ დააკმაყოფილა მოსამართლემ, იმიტომ რომ მხარის მიერ ეს ინტერესი არ იყო. ხოლო მოხდა იმ გარიბებების გაბათილება, რომლის მიხედვითაც 10 წლის წინ ქიბარ ხალვაშმა გაყიდა თავის წილი. დღევანდელი მესაკუთრეები, რომლებსაც კავშირი არ ჰქონიათ ხალვაშთან, რუსთავი 2-ის ამოიშალნენ რეესტრიდან როგორც მესაკუთრეები. ამ გადაწყვეტილებას გავასაჩივრებთ. ყველა პროცედურულ ნორმას გამოვიყენებთ ამისთვის. მინდა შევპირდე ამ მოსამართლეს, რომ ამ დანაშაულისთვის ის პასუხს აგებს,"- განაცხადა ზაზა ბიბილაშვილმა, რომელიც გადაწყვეტილების გამოცხადების დროს, სხდომათა დარბაზში არ იმყოფებოდა.
მოსამართლე ურთმელიძის გადაწყვეტილებით, ქიბარ ხალვაშის მოთხოვნა რუსთავი-2-ის წილების დაბრუნებასთან დაკავშირებით დაკმაყოფილდა.
