მომღერალმა სოფო ნიჟარაძემ ე.წ. მოდულის შენობა რამდენიმე უკვე დატოვა. სახელმწიფო უსაფრთხოების სამსახურში მას 3 საათის განმავლობაში, აუდიოჩანაწერებთან დაკავშირებით კითხავდნენ.
„გამოძიების დეტალებთან დაკავშირებით, რა თქმა უნდა, ვერ ვისაუბრებ, რადგან საქმეს ადევს გრიფი საიდუმლო, მაგრამ მე შემიძლია ჩემი პოზიცია გითხრათ, რომ ეს არის აბსოლუტურად კომიკური სიტუაცია, რაშიც მე ვიმყოფები, და ეს ემსახურება ჩემს პიროვნულ დისკრედიტაციას, ცოტა შეურაცხყოფილი ვარ, მაგრამ გაეცა ყველა შეკითხვას პასუხი. ავთენტურობას მე არ ვადასტურებდი და არც ახლა ვადასტურებ. მიმაჩნია, რომ ეს არის საუბრების სხვადასხვა ნაკრები, მიქსი და კოლაჟი, კარგად გაკეთებული”,- აცხადებს ნიჟარაძე.
ვებგვერდ uarevo.in.ua-ზე მიხეილ სააკაშვილისა და „რუსთავი 2“-ის გენდირექტორის ნიკა გვარამიას, ასევე, მომღერალ სოფო ნიჟარაძის საუბრის მორიგი აუდიოჩანაწერი გუშინ გამოქვეყნდა.
