წინამძღვრიშვილის ქუჩიდან შეიარაღებულმა თავდამსხმელებმა ინკასაციის მანქანა გაიტაცეს.
თვითმხილველების ცნობით დამნაშავეები უცხოური ნომრის მქონე მანქანით გადაადგილდებოდნენ, რომელიც წინამძღვრიშვილის 53 ნომერში დატოვეს და ადგილიდან ინკასაციის მანქანით მიიმალნენ.
წინასწარი ინფორმაციით, წაღებულია 150 ათასი დოლარი.
ადგილზე იმყოფებიან ძალოვანი უწყების წარმომადგენლები, შსს ცნობით კი საქმე 179-ე მუხლით არის აღძრული, რაც შეიარაღებულ თავდასხმას გულისხმობს. დამნაშავეები ამ დროისთვის დაკავებულები არ არიან.
შეგახსენებთ, რომ 23 ოქტომბერს, საქართველოს ბანკის ინკასაციის მანქანას სენსორები გამოურთეს და ინკასატორებმა 10 მილიონამდე ლარი გაიტაცეს.
